२१ वर्षसम्म प्रयास गर्दा पनि मलाइकासँगको सम्बन्ध सफल भएन :अरबाज खान

अभिनेत्री मलाइका अरोडा खान र अरबाज खान एक अर्कासँग छुट्टिएर अलग–अलग बाटो हिँडिसकेका छन् ।

यी दुवैले आफ्नो जिन्दगीको नयाँ साथी पनि चुनिसकेका छन् । अरबाज खान यतिबेला नयाँ प्रेमिका जर्जिया एण्ड्रियानीका साथ समय बिताइरहेका छन् भने मलाइका अभिनेता अर्जुन कपूरको प्रेममा छिन् ।

unn.prixa.net

यसैबीच अरबाज खानले पहिलो पटक उनको सम्बन्धको बारेमा बोलेका छन् । हालै एक अन्तरर्वार्तामा अरबाज खानलाई आदर्श सम्बन्धको बारेमा सोधिएको प्रश्नमा अरबाजले हाँस्दै भने ‘म यस प्रश्नको जवाफ दिनको लागि सही व्यक्ति होइन ।’ साथै उनले अगाडि भने ‘सुमधुर सम्बन्ध भनेको के हो भन्ने बारेमा मलाई थाहा छैन । मैले मेरो सम्बन्धका लागि २१ वर्षसम्म प्रयास गर्दा पनि कहिल्यै सफल भएन ।’

अरबाजले अगाडि भने ‘जिन्दगीमा २ किसिमका मानिसहरु हुन्छन, जो आफूसँग सबै कुरा भएर पनि अझै धेरै कुरा पाउन चाहन्छन् र सधैँ यो सावित गर्ने प्रयासमा हुन्छन् उनीहरुको जोडी निकै उत्कृष्ट जोडी हो, जो धेरै खुशी छन । र अर्को यस किसिमका हुन्छन् जो आफूहरुसँग जे छ उनीहरु त्यही कुरामा खुशी भएर बस्छन् ।’

यसैगरी उनलाई तपार्इँ बलिउडको त्यस्तो स्टार जोे सम्बन्ध विच्छेदपछि पनि सहज रुपमा एकअर्कालाई लिनुहुन्छ भनेर सोधिएको प्रश्नमा भने, ‘जिन्दगीमा केही कुरालाई समझदारीका साथ लिनु पर्दछ ।’

अरबाज खान यतिबेला उनको फिल्म ‘ज्याक एण्ड जिल’ को प्रमोशनमा व्यस्त छन् । यो फिल्म एक यस्तो श्रीमानको जीवनमा आधारित छ, जसलाई लाग्छ की उसकी श्रीमती उसलाई धोका दिइरहेकी छ । जुन कुरा पत्ता लगाउनका लागि उसले जासूसहरुलाई श्रीमतीको पछि लगाउँछ । यो फिल्म यही नोभेम्बर २ मा रिलिज हुनेछ ।

प्रतिक्रिया दिनुहोस्

error: Content is protected !!