अमेरिकी गायिका सेलेना गोमेजलाई इन्स्टाग्राममा रोनाल्डोले उछिने

युभेन्टसका स्टार खेलाडी क्रिस्टियानो रानोल्डोले इन्स्टाग्राममा अमेरिकी गायिका सेलेना गोमेजलाई उछिनेका छन् ।

पाँच पटक बालोन डी ओर अवार्ड जितेका रोनाल्डोले २०१६ देखि इन्स्टाग्राम एकाउन्टमा सबैभन्दा बढी फलोअर्स भएकी गोमेजलाई उछिनेका हुन् ।

रोनाल्डोलाई इन्स्टाग्राममा पछ्याउनेको संख्या १४ करोड ४३ लाख रहेको छ । रियल मड्रिड छाडेर इटालीयन क्लब युभेन्टसमा आएपछि रोनाल्डोको चर्चा ह्वात्तै बढेको छ । सिरी एको आफ्नो पहिलो सिजनमा १० खेलबाट रोनाल्डोले ७ गोल गरेका छन्, चार असिष्ट गरेका छन् ।

अमेरिकी गायिका सेलेना गोमेजलाई इन्स्टाग्राममा रोनाल्डोले उछिने

इन्स्टाग्राममा धेरै फलोअर्स हुने सेलिब्रिटीहरुमा दोस्रो स्थानमा रहेकी सेलेना गोमेज रोनाल्डोभन्दा केही सयले मात्रै पछाडि रहेकी छिन् ।

तेस्रो स्थानमा रहेकी गायिका आरियाना ग्रान्डेलाई १३ करोड २० लाखले इन्स्टाग्राममा पछ्याएका छन् । त्यस्तै चौथो स्थानमा रहेकी किम कार्दाशिएनलाई १० करोड २० लाखले पछ्याएका छन् ।

बार्सिलोनाका स्टार खेलाडी लियोनल मेस्सीलाई १० करोडले इन्स्टाग्राममा पछ्याएका छन् ।

प्रतिक्रिया दिनुहोस्

error: Content is protected !!