रेस्टुरेन्टमा भएको गोलीकाण्डमा प्रहरीसहित १२ जना मारिए

अमेरिकाको क्यालिफोर्निया राज्यमा रहेको एउटा रेस्टुरेन्टमा भएको गोलीकाण्डमा एकजना प्रहरी अधिकारीसहित कम्तीमा १२ जना मारिएका छन् ।

क्यालिफोर्नियाको थाउजेन्ड वोक्स सहरमा रहेको बोर्डरलाइन बार तथा ग्रिल रेस्टुरेन्टमा भएको गोलीकाण्डमा कम्तीमा १२ जना घाइते भएको बताइएको छ ।

अमेरिकी अधिकारीहरुका अनुसार संदिग्ध आक्रमणकारीको रेस्टुरेन्टभित्रै ज्यान गएको छ । आक्रमणकारीको परिचय भने नखुलेको अधिकारीहरुले जनाएका छन् ।

बुधबार राति झण्डै २०० जना व्यक्ति त्यस रेस्टुरेन्टमा कलेज पार्टीमा रमाइरहेका थिए । त्यतिबेला नै आक्रमणकारीले अन्धाधुन्ध गोली चलाएको हो ।

प्रतिक्रिया दिनुहोस्

error: Content is protected !!