मोटर बाटो नपुगेको गाउँ, स्टेचरमा बोकेर महिलालाई अस्पताल लाँदालाँदै बाटैमा बच्चा

मानको काँधमा मै एक महिला सुत्केरी भएकी छन् । गुल्मीको विकट गाउँ अर्खबाङ्गमा सुत्केरी ब्याथा लागेका महिला सुत्केरी गराउन स्वास्थ्य चौकी लाने क्रममा बाटै मै श्रीमानको काँधमा सुत्केरी भएकी हुन् ।

मालिका गाउँपालिका वडा नम्वर ४ , साविक अर्खबाङ्गको काभ्रे निवासी २८ बर्षिया निरा घर्ति मगर स्टेचरमा बोकेर अर्खबाङ्ग ठुला चौरको स्वास्थ्य चौकीमा रहेको वर्थिङ्ग सेन्टरमा लादै गर्दा सुत्केरी भइन् । मोटर बाटो सुविधा नपुगेको काभ्रे गाउँबाट उनका श्रीमान यमबहादुर घर्ति मगरसहित चार जनाले स्टेचरमा बोकेर माथी अर्खबाङ्ग ठुलाचौरको स्वास्थ्य चौकीमा रहेको वर्थिङ्ग सेन्टरमा ल्याउँदै गर्दा घरबाट हिडालेको १० मिनेट नहुँदै स्टेचर मै श्रीमति सुत्केरी भएको श्रीमान यमबहादुर घर्तिले बताए ।

यमबहादुरका अनुसार श्रीमति निराले १४ बर्षमा पहिलो सन्तान छोरी जन्माएकी थिइन् , भने १६ वर्षमा दोश्रो सन्तान छोरा जन्माइन् र अहिले यो तेश्रो सन्तानका रुपमा स्टेचरमा छोरी जन्माएकी छिन् । बाटैमा बच्चा जन्मे पनि सुत्केरीको अवस्थालाई ध्यानमा राखी सुत्केरीलाई स्टेचर मै राखेर स्वास्थ्य चौकीमा ल्याईएका थिए। सुत्केरी ल्याएको थाह पाउन साथ मालिका गाउँपालिका प्रमुखले तत्काल स्वास्थ्यकर्मीलाई सक्रिय बनाएर उनको स्वास्थ्य उपचार गराएका थिए । उनी स्टेचर मै सुत्केरी भएको थाह पाएपछि छिट्टै त्यहाँ मोटरबाटो पुराउने एक कार्यक्रममा उक्त ठाउँमा पुगेका श्रम रोजगार तथा सामाजिक सुरक्षा मन्त्री गोकर्णराज बिष्टले गाउँपालिकालाई निर्देशन दिएका छन्।

मालिका गाउँपालिका जिल्लाको सबै भन्दा विकट गाउँपालिका मानिन्छ । त्यहाँको दर्लिङ्ग दुनाम गाउँमा अझै मोटरबाटो पुग्न सकेको छैन । लिलिङ्ग गाउँ सहित त्यहाँका केहि गाउँका सेवाग्राहीहरु आठ घण्टा सम्मको बाटो हिडेर गाउँपालिका कार्यालय अर्खबाङ्ग ठुलाचौरमा सेवा लिन आउने गर्छन्

प्रतिक्रिया दिनुहोस्

error: Content is protected !!