माफी माग्दै प्रियंकाले लेखिन् ऋचालाई यस्तो स्टाटस

पछिल्लो तीन दिनदेखि सामाजिक सञ्जाल तथा मिडियाहरुमा चर्चा परिचर्चाको विषय बनेको छ अभिनेत्री ऋचा शर्माले फिल्म ‘छक्का पञ्जा २’ हेरेपछि आफुलाई एक दर्शकको रुपमा मुर्ख लागेको प्रसङ्ग । ऋचाको उक्त भनाईलाइ बुझेर या नबुझेर फिल्म ‘छक्का पञ्जा २’ युनिट खरो उत्रियो । यतिबेला पक्ष विपक्षमा बहस तथा चर्चा दिनका दिन बढिरहेको छ ।

उक्त फिल्मको निर्माण टिमले ऋचालाई ‘गेट वेल सुन’ सहित लेखेको स्टाटसमा अभिनेत्री त्रय प्रियंका कार्की, स्वस्तिमा खड्का र वर्षा राउतले पनि हातमा हात मिए । कपी पेस्ट गरे । त्यसपछि उक्त कुरा भाइरल बनेपछि स्टाटस डिलिट गरेकी अभिनेत्री प्रियंकाले फेसबुकबाट नै यो कुराको बारेमा नयाँ तर्क पोखेकी छिन् ।

चार ‘प्यारा’ लामो स्टाटसमा उनले आफुले दिपकराज गिरी र दीपाश्री निरौलाको स्टाटस कपी पेस्ट गरेको बारेमा अनि त्यसपछि हटाएको बारेमा कहिँकतै उल्लेख गरेकी छैनन् । तर ऋचाले दर्शकलाई मुर्ख नभनेको भनेर स्पष्टीकरण दिइरहँदा उनले प्रयोग गरेको एक अंग्रेजी शब्दलाई नेपालीमा पाखण्डीको संज्ञा दिँदै त्यो शब्द मुर्ख भन्नु भन्दा पनि अपमानजनक भएको तर्क गरेकी छिन् । प्रियंकाको आशय ऋचाले दर्शकलाई धेरै नै तल्लो स्तरको शब्दले ‘बेवकुफ’ बनाएको भन्ने छ ।

चलचित्र राम्रो नराम्रो भन्ने अधिकार सबैलाई भएपनि चलचित्रलाई लिएर कसैको समझदारी प्रति प्रश्न उठाउनु उचित हुँदैन् प्रियंकाले लेखेकी छिन् । आफुले फिल्ममा ‘चम्पा’को पात्र मार्फत महिला हिंसाको विपक्षमा आवाज उठाएको सम्म उल्लेख गर्दै उनले गल्ती सबैबाट हुन्छ लेखेकी छिन् ।

अन्त्यमा पछिल्ला केहि दिनयताका वाद विवादलाई लिएर रमितेहरुले रमिता उठाएको भन्दै यसलाई कसैले खेदो खन्ने सुनौलो मौकाको रुपमा लिएको सम्मलाई प्रियंकाले आपत्ति जनाएकी छिन्। कर्ममा विश्वास गर्ने मान्छे भन्दै उनले आफुले लेखेको कुराले कसैलाइ व्याक्तिगत ठेस पुग्न गएमा माथी माग्दछु सम्म लेखेकी छिन् ।

प्रतिक्रिया दिनुहोस्

error: Content is protected !!