हिन्दू धर्म परिवर्तन गराएको आरोपमा २७१ जना क्रिश्चियनविरुद्ध कारवाही

भारतीय सर्वसाधारण नागरिकलाई लोभ देखाउँदै हिन्दू धर्म परिवर्तन गराएको आरोपमा २७१ जनाविरुद्ध कारवाही प्रक्रिया अगाडि बढाउन अदालतले प्रहरीलाई आदेश दिएको छ ।उत्तर प्रदेशको जोनपुरमा हिन्दु धर्मको गलत प्रचार गरेको र लोभ देखाएर क्रिश्चियन (ईसाई) धर्म अपनाउन लगाएको आरोपमा अदालतले तीन पादरीसहित २७१ जनालाई पहिलो सूचना रिपोर्ट (एफआईआर) दर्ता गर्न प्रहरीलाई आदेश दिएको हो ।

हिन्दु जागरण मञ्चको उजुरीमा अदालतले उक्त आदेश दिएको हो ।हिन्दु जागरण मञ्चका ब्रजेश सिंहका अनुसार ईसाई धर्मका प्रचारकले जोनपुर, आजमगढ, वाराणसी र गाजीपुर जिल्लाका गाउँका बासिन्दालाई चर्चमा प्रार्थना गर्न दबाव दिँदै आएका थिए । सिंहका अनुसार चर्चमा प्रत्येक आइतबार र मंगलबार प्रार्थना सकिएपछि उनीहरुलाई हिन्दु धर्मको बारेमा गलत कुरा भनिन्थ्यो र ईसाई धर्म अपनाउन प्रोत्साहित गरिन्थ्यो ।उजुरीमा भनिएको छ चर्चमा पूजा गरिसकेपछि नशालु प्रतिवन्धित औषधि दिइन्छ र यसै क्रममा धर्म परिवर्तन गराएर ईसाई बनाइन्छ।

प्रतिक्रिया दिनुहोस्

error: Content is protected !!